19 Јануари, 2021
0.0194

Генерали инвестментс: Како инвеститори да не се загледуваме во дрвото, бидејќи ќе превидиме што се случува во шумата

Објавено во: Финансии 02 Декември, 2020

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

- Крајот на ноември донесе забавување на светските пазари на капитал. Бројот на случаи позитивни на ковиди-19 забави и благо опадна во последната недела. Има нешто помалку од 600.000 случаи на ден во светот, со бројка на смртни случаи која надминува 12.000 во одделни денови, но се чини дека вториот бран го достигна својот врв. Минатата недела немаше нови информации за вакцината. Повеќе информации може да се очекуваат на крајот на годината или на почетокот на следната. Големиот број на новозаразени со коронавирус повторно доведе до затворање, слично на она од пролетта, што ќе има големо негативно влијание врз економијата. Најновите економски податоци за растот на БДП за третиот квартал на 2020 година, во споредба со истиот период во 2019 година, покажуваат пад во сите земји на ЕУ. За последниот квартал може да се очекуваат уште полоши податоци. Затоа, земјите продолжуваат со постојните и преземаат нови мерки за ублажување на економските потешкотии. Задолженоста и дефицитот кај јавните финансии растат. Пазарите продолжуваат да го гледаат ова како краткорочен ефект сè додека не заврши пандемијата. Според нивните согледувања вакцините ветуваат непосреден крај на пандемијата и враќање во нормала. Оптимизмот изгледа е малку пребрз, бидејќи нормализацијата може да се очекува само во текот на летото, под услов вакцините да функционираат, но инвеститорите продолжуваат да ги менуваат инвестициите помеѓу индустриите и компаниите. Претходно најпогодените индустрии и акции продолжуваат да бидат попривлечни, иако многу непознати остануваат отворени. Сагата за изборите во САД е при крај, иако Трамп сè уште нема да го признае поразот. Но, било каква промена има мала веројатност за настанување. Администрацијата на Бајден ја добива својата прва форма и пазарот реагираше позитивно на најавата за назначување на поранешниот претседател на ФЕД, Џенет Јелен за иден министер за финансии. Може да очекуваме посилен стимул на почетокот на следната година, така што на тоа реагираше и доларот, кој претпре мала загуба на својата вредност во последните денови во споредба со другите глобални валути. За инвеститорите, сегашното затворање на економиите и како последица на тоа лошите економски податоци од крајот на 2020 година и почетокот на 2021 година остануваат ирелевантни. Аналитичарите зборуваат за втората половина на 2021 и 2022 година, кога веќе нема да има пандемии и кога се очекува значителен раст на БДП, профитите и деловната активност. Светот се гледа низ розови очила. Охрабрувачки е тоа што кинеските економски податоци продолжуваат да се зајакнуваат, давајќи добри перспективи за 2021 година.

– Дури и минатата недела, пазарите продолжија да растат бавно. Лудите бројки на раст во размената на сектори и индивидуални акции се забавени, но компаниите од погодените индустрии продолжуваат да привлекуваат поголем интерес. Бидејќи овие фирми имаат мала тежина во глобалните индекси, во кои доминираат технолошки гиганти кои зачекорија во последно време, промените во најголемите светски индекси остануваат мали. Има доволно пари во светот за да се инвестира на пазарите на капитал и се чини дека тоа ќе земе поголем замав во иднина поради политиките на централните банки и земјите. Пазарот затоа неодоливо се форсира на повисоко ниво. Во изминативе недели, парите беа привлечени главно од индустријата, како и биотехнологијата, услугите (туризам, угостителство итн.), автомобилската индустрија, финансиите, како и сè што е поврзано со заштитата на животната средина и зелената енергија. Од друга страна, гледаме помал интерес за технолошките гиганти, бизнисите со работа од дома и трговија преку Интернет, како и прехранбените компании и некои фармацевтски гиганти. Договорот за Брегзит изгледа близок, но така се чинеше многу пати досега. Но, ако се случи, можеме да очекуваме дека европските берзи ќе остварат благ пораст во споредба со САД. Договорот ќе отстрани голема пречка или ризик за европскиот пазар, особено од гледна точка на американските и глобалните инвеститори. Помалите пазари продолжуваат да остануваат крајно непредвидливи и под силно влијание на индивидуалните вести. Затоа, претпазливоста не е излишна

Совети за инвеститорите:

Информациите за вакцините и ликвидноста од страна на централните банки ќе продолжат да ги обликуваат берзите. На краток рок, технолошките гиганти веројатно достигнаа врв со најавите за можна вакцина, а вниманието е насочено и кон другите сегменти на пазарот. На долг рок, акциите на технолошките компании и акциите на компаниите од е-трговијата и работата од дома остануваат сегменти со натпросечен раст, но остануваат скапи, па инвеститорите ќе бидат повнимателни и воздржани. Скапите обврзници и негативните приноси од банкарски производи продолжуваат да ги принудуваат инвеститорите во инвестиции во акции. Поради очекуваните вакцини и позитивниот исход во американската политика, инвестирањето во акции денес е помалку ризично отколку порано. Остануваме посветени на општата препорака дека е неопходна диверзификација на портфолиото. Препорачливо е да се подели портфолиото во различни класи, помеѓу акции, обврзници или пари. Продолжува ликвидносната поддршка и за обврзници и за акции, а интересот на инвеститорот за технолошки акции ќе продолжи да биде силен, но како што видовме со високи проценки, претпазливоста не е излишна, бидејќи неодамнешните корекции се многу брзи. Можностите надвор од технолошкиот сектор се привлечни, иако силниот скок на некои места можеби започна да ја надминува реалноста во работењето на овие компании. Главните двигатели на растот на овие акции и индустрии (финансии, индустрија, енергија, материјали, некои други циклични индустрии) се пониските проценки и промените во очекуваното идно работење на компаниите, а се резултат на очекувањата за вакцината. Најновите деловни резултати во некои „заборавени“ индустрии се охрабрувачки и ако вакцината навистина се појави на пазарот пролетта 2021 година, тогаш динамиката во најпогодените сектори ќе се промени од темел и ротацијата помеѓу индустриите ќе се интензивира. Историјата нè учи дека индустриите со многу високи проценки имаат тенденција да даваат потпросечни приноси во следната деценија. Трендот на раст на пазарите исто така може да продолжи како резултат на очекуваниот стимул, кој ќе биде повеќе насочен кон индустријата, инфраструктурата и еколошкиот живот и структурата на растот ќе се промени. Можно е носители на растот на индексот да не бидат најголемите технолошки компании, туку други помали. Затоа е неопходен балансиран пристап кон инвестициите, а поголема тежина во форма на индивидуални учества може да се даде на индустрии кои подобро би ја преживеале оваа криза и каде проценките не се претерани. Ова вклучува главно здравство, индустрија и нега, но исто така и повеќе засегнати индустрии со цел да се додаде малку зачин. Инвеститорите со долгорочни цели на заштедата треба да истраат и да продолжат со периодични плаќања, а оние кои би инвестирале поголема сума истата треба да ја распределат на подолг временски период. Како инвеститори во овој момент, не смееме да заборавиме на долгорочните трендови и премногу да загледуваме во дрвото, бидејќи ќе превидиме што се случува со шумата. Дигитализацијата, автоматизацијата, е-трговијата, работата од дома, почистата енергија, работењето во согласност со социјалните норми и придржувањето кон таканаречените препораки на ESG се долгорочни трендови. Компаниите и индустриите на кои им е тешко да се прилагодат на ова, ќе станат сè помалку популарни меѓу инвеститорите. Иако флуктуациите во една или друга насока можат да бидат силни, тие сами не треба да не заведуваат кога размислуваме како да го структурираме и позиционираме портфолиото за долг период на заштеда.

Генерали инвестментс


Можеби ќе ве интересира

Шпаркасе ќе им плати на акционерите во Охридска банка по 5.577 денари за акција: НО ја одобри спогодбата

Шпаркасе ќе им плати на акционерите во Охридска банка по 5.577 денари за акција: НО ја одобри спогодбата

Генерали Инвестментс ја зајакна позицијата на пазарот: Заврши спојувањето на Илирика Фунд Менаџмент

Генерали Инвестментс ја зајакна позицијата на пазарот: Заврши спојувањето на Илирика Фунд Менаџмент

По објавата за преземање: Берза го стави Скопски пазар на листа на набљудување

По објавата за преземање: Берза го стави Скопски пазар на листа на набљудување

УНИБанка ќе исплати полугодишна камата за перпетуалните обврзници

УНИБанка ќе исплати полугодишна камата за перпетуалните обврзници

Лагард: Жалам, биткоинот нема да стане валута, а поттикнува криминални бизниси

Лагард: Жалам, биткоинот нема да стане валута, а поттикнува криминални бизниси

6.500 ДЕНАРИ ПО АКЦИЈА: Современ дом и ЗСФ на Фатмир Етеми доставиле понуда за целосно преземање на Скопски пазар

6.500 ДЕНАРИ ПО АКЦИЈА: Современ дом и ЗСФ на Фатмир Етеми доставиле понуда за целосно преземање на Скопски пазар

Зошто расте цената на акцијата на „Комерцијална банка“?

Зошто расте цената на акцијата на „Комерцијална банка“?

СН осигурителен брокер го зголеми капиталот со нова емисија акции

СН осигурителен брокер го зголеми капиталот со нова емисија акции

Четвртиот пакет мерки ја зголеми ликвидноста на банките - НБМ јавува за поповолни движења, но и ризици

Четвртиот пакет мерки ја зголеми ликвидноста на банките - НБМ јавува за поповолни движења, но и ризици