Генерали Инвестментс: Неопходен е балансиран пристап кон инвестициите

Добивај вести на Viber

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

-Вториот бран на пандемијата се смирува. Ова е евидентно како во повеќе држави така и на глобално ниво. За нешто повеќе од три недели, од средината на јануари, 7-дневниот просечен број на новозаразени во светот се намали од скоро 750 000 на ниво под 440 000. Резултатот се должи на неколку фактори. Ограничувањата во јавниот живот го намалија бројот на контакти меѓу луѓето, стапката на заразеност се зголемува, а истовремено се интензивира вакцинацијата, особено за најранливите постари генерации. Ова е првиот фактор за растот на пазарите. Друг важен фактор е стимулативниот пакет во САД, нешто што е практично договорено. Полнолетните лица ќе добијат по 1.400 долари, а целиот пакет се очекува да достигне нешто помалку од 2 милијарди долари. Се помалку има несогласувања меѓу републиканците и демократите околу реалната форма на стимулот. Очекуваната силна поддршка за економијата и понатамошното создавање или печатење пари создаваат бран на ликвидност што ги форсира сите категории на инвестиции. Ова исто така ги зајакнува инфлациските очекувања, бидејќи инвеститорите очекуваат поголема инфлација во иднина. Четвртиот важен фактор на пазарите се подобрите од очекуваните резултати и пред сè, многу оптимистички прогнози за втората половина на 2021 година. Ова им дава доверба на инвеститорите за да видат нови дневни рекорди на берзите и покрај високите проценки, но поради силната ликвидносна поддршка. Кратката корекција од пред 14 дена е практично заборавена, сега аналитичарите веќе зборуваат за почеток на нов нагорен (биков) тренд. Со целата очекувана ликвидност што земјите и централните банки ќе ја создадат во наредните недели и месеци, ова исто така може да се случи, но целиот финансиски систем станува се повеќе нестабилен. Политиката изгуби дел од влијанието на берзите во последните неколку недели, бидејќи американската администрација под раководство на Бајден пристапува кон комуникацијата попретпазливо, предизвикувајќи помалку неизвесност. Во Европа по падот на италијанската влада, очигледно се враќа на сцената Драги, кој ќе добие поддршка за формирање нова (кревка) влада. Пазарите реагираат позитивно на ова, што веројатно ќе значи одредено затишје во Европа во следните недели. Азиските пазари стартуваа добро во 2021 година. Со добро управување со пандемијата и солидни економски податоци, тие станаа најатрактивно место за инвеститорите. Иако понекогаш владите знаат да го разбрануваат морето, како што беше случајот со Алибаба, тие очигледно успеаа да се согласат дека Алибаба ја почитува волјата на државата и партијата. Поголемиот дел се трансформира во финансиска холдинг-компанија под контрола на регулаторите, со што се враќа довербата на инвеститорите. Се уште нема детали за договорот, но во последно време инвеститорите не се заинтересирани за детали.

-Деловните резултати за последниот квартал од минатата година, а особено предвидувањата за 2021 година, продолжуваат да ги надминуваат бројките што ги очекуваат аналитичарите. Поддржан од силната ликвидност, одговорот на пазарот се зајакнува. Минатата недела се истакнаа интернет гигантите како Амазон, Пејпал, Гугл и Алибаба по добрите резултати. Овие акции скокнаа посилно повторно, по неколку месеци чекори напред и назад. Можеби ова може да врати посилна ротација кон главните ИТ-акции, бидејќи во последните недели акциите на помалите компании пораснаа во рамките на ИТ сегментот, каде во некои случаи проценките станаа прилично апсурдни, но инвеститорите продолжуваат да се фокусираат на приказната од секундарно значење. Разочарување продолжува да биде резултатот на нафтените компании, кои беа sвезди на пазарот на крајот на 2020 година и во првите недели од јануари. Интересно ќе биде реструктуирањето на овие компании, кои се повеќе ја присилуваат зелената енергија и купуваат големи блокови права за користење на копно и море за изградба на зелени извори на енергија на аукциите. Притоа, тие се натпреваруваат со друга sвезда на пазарот, компаниите за снабдување, кои одлично ја започнаа 2021 година на крилата на растечката потрошувачка на електрична енергија и скапите купони на СО2. Европа продолжува да дава позитивни изненадувања, бидејќи резултатите од производствениот сектор се над очекувањата, додека услужниот сектор продолжува да крвави за пари, а повлекувањето на мерките и отворањето на земјите се одолговлекуваат неодредено до доцна пролет. Донекаде беа разочарани и големите фармацевтски компании, каде растот на услугите поврзани со пандемијата не го неутрализира падот во некои други области, но ниските проценки на најголемите компании не создадоа притисок врз продажбата. Сепак, притисокот во индустријата за широка потрошувачка полека се зголемува, каде што поскапите земјоделски производи почнуваат да се рефлектираат во бизнисот и притисокот врз маргините, што беше убаво илустрирано од Унилевер со резултати кои не оставија впечаток. Сосема друга приказна се индустриските компании кои ги изненадуваат инвеститорите со добри прогнози. Постојат очигледни очекувања дека стимулативниот пакет ќе се прелее на резултатите и на некои места веќе можеме да видиме дел од ова, како што е пазарот е силен според кажувањата на најголемите европски градители. Инвеститорите продолжуваат да очекуваат повисока инфлација во иднина, давајќи и сила на рефлационата ротација во рамките на берзите. Резултатите од банките беа главно разочарувачки, но поради рефлационата приказна, нивните курсеви се држат многу добро. Од друга страна, гледаме притисоци на пазарите на обврзници, особено кај обврзниците со подолг рок на достасување, кои се изнудени на повисоки ценовни нивоа. Приказните за диви шпекулации со акциите на GameStop и бунтот на малите инвеститори против Вол Стрит брзо завршија бидејќи економскиот легитимитет ја надмина „приказната“ и акциите претрпеа огромна корекција. Во последните две недели, доларот повторно зајакна, привремено се врати на ниво од помалку од 1,2 УСД за евро. Ова го намали притисокот врз европските извозници, но сè на сè, се чини дека е само привремен, бидејќи со огромен стимул, аналитичарите продолжуваат да очекуваат лизгање на доларот, а курсот да биде околу 1,30.

Совети за инвеститорите:

-Развојот на пандемијата, претстојните стимули и ликвидноста на централните банки продолжуваат да ги обликуваат берзите, иако тие се принудуваат сè повисоко поради бранот на ликвидност. Акциите од технолошкиот сектор, е-трговијата и работата од дома остануваат сегменти со натпросечен раст, но со многу високи проценки, претпазливоста не е излишна. Последните недели акциите на помалите компании пораснаа во цената, па веројатно можеме да очекуваме одредена ротација во најголемите ИТ компании. Скапите обврзници и негативните банкарски приноси продолжуваат да ги принудуваат инвеститорите главно во инвестиции во акции, со шпекулативен раст кој продолжува во рамките на акциите, повремено се граничи со манија. Инвестициите што не нудат ништо друго освен приказна се во сè пожестока предност. Поради високите проценки, советуваме поголема претпазливост и се држиме до општата препорака дека е неопходна диверзификација на портфолиото. Препорачливо е да се подели портфолиото во различни класи, помеѓу акции, обврзници или пари. Можностите надвор од технолошкиот сектор остануваат привлечни поради пониските проценки, особено во сегментите на пазарот каде се очекува силна промена во деловното опкружување на подобро заради вакцините или влијанието на новите политики. Еден таков сегмент е сè што е поврзано со почиста животна средина и поодржлив начин на живеење, каде што е потребна претпазливост во последните неколку недели по силниот раст. Силниот раст на некои места ја надмина реалноста во работењето на овие компании, но во услови на енормна ликвидност, инвеститорите засега не се загрижени за ова. Трендот на раст на пазарите може да продолжи како резултат на стимулот, кој е повеќе насочен кон индустријата, инфраструктурата и еколошкиот живот. Историјата не учи дека главните двигатели на растот на пазарот драматично се менуваат со текот на времето. Затоа е неопходен балансиран пристап кон инвестициите, а тежината во форма на индивидуални фондови може да биде претставена од индустрии кои подобро би ја преживеале оваа криза и каде проценките не се претерани. Ние главно вклучуваме здравство, индустрија и нега, а Азија се издвојува меѓу регионите. Инвеститорите со долгорочни цели на заштеда треба да истраат и да продолжат со периодични плаќања, а оние кои би инвестирале поголема сума, истата треба да ја распределат на подолг временски период. Дигитализацијата, автоматизацијата, е-трговијата, работењето од дома, почистата енергија, работењето во согласност со социјалните норми и придржувањето кон таканаречените препораки на ЕСГ се долгорочни трендови. Иако флуктуациите во една или друга насока можат да бидат силни, тие не треба да нè заведат кога размислуваме како да го структурираме и составиме портфолиото за долг период на заштеда.