Германци сакаат да произведуваат месо во Србија

Добивај вести на Viber

Еден од најголемите сточарски концерни во Европа, Ангус група од Германија, сака да инвестира во производство на месо во Србија заедно со српските земјоделци. Германците би вложувале во Србија со помош на поволни кредити од германската развојна банка KFW. „Во секоја земја во која го почнавме нашиот систем на производство, многу брзо порасна побарувачката за тоа месо. Ангус група се занимава со системски решенија за одгледување на добиток, од производство, до месо на чинија“, изјави претседателот на Ангус група, Бернард Деле во Стопанската комора на Белград. Деле посочи дека во наредните неколку дена ќе ги заобиколи локациите погодни за започнување со производство на месо во Србија и дека прво ќе ги посети Сремска Митровица, Ваљево и Бечеј, каде, според нивните информации и проценки, најбрзо би можело да се започне со производство. Предноста на Ангус говедско е тоа што, таа раса, како што рече, е многу адаптибилна и може да се одгледува на температури од минус 20 до плус 30 степени. Ангус групата, својот систем на производство ја има воведено во неколку европски земји - Австрија, Швајцарија, Романија и Шпанија и нејзините претставници дојдоа во Србија како би собрале информации за можностите за производство. Ангус група во текот на четиридневната посета, ќе разговара за соработка во областа на говедарството со претставници од земјоделските комора, компании од агробизнис секторот и разни здруженија. Агенцијата Стелон и Ангус концернот ќе им понудат на српските земјоделски здруженија и стопански субјекти кои се занимаваат со сточарска дејност, партнерство во производство на добиток, со обезбедување на поволни кредити од KFW. А.А.