Германскиот бизнис се подготвува за трговска војна со САД
Објавено во: Свет 02 Февруари, 2017
Бизнис круговите во Германија се сериозно загрижени од протекционистичкиот курс на новиот американски претседател Доналд Трамп и очекуваат реални проблеми за компаниите. „Им препорачувам на своите колеги претприемачи: бидете будни“, предупреди претседателот на Федерацијата на германската индустрија (BDI) Дитер Кемпф, пренесуваат германски медиуми.
„Ни се заканува трговско-економска војна со САД“, предупреди порано и Марсел Фрацшер, шеф на Германскиот институт за економски истражувања (DIW) во Берлин. А најавторитетното бизнис издание во Германија - Handelsblatt, се посвети на проблемот со посебно прилог, наречен „Америка: свет кој станува странски“.
Навистина, до овој момент новата администрација во Вашингтон не презела никакви конкретни дејства против германските и генерално европските компании. Сепак Доналд Трамп веќе тргна отворено кон драстично заострување на односите со големите трговски партнери на САД како Мексико и кон излез од договорот за ТТП. Значи протекционистичкиот и антиглобалистичен курс на новиот државен шеф на САД не буди сомнежи. Кон ова треба да се додаде дека Трамп веќе недвосмислено упатува закани кон Кина и Германија.
Бизнис круговите во Германија јавија за силна тревога по 16 јануари, кога во весникот Bild и британскиот The Times беше објавено интервју на Трамп, во кое тој критикува отворено еден од клучните сектори на германското стопанство - автомобилската индустрија. Републиканецот го крена на нозе BMW, заканувајќи се дека ќе наметне данок за увоз на нејзината продукција во износ од 35%, ако компанијата изгради фабрика во Мексико за производство на автомобили, наменети за американскиот пазар.
Тогаш сеуште иден претседател на САД, Трамп се пожали дека на Петтата авенија во Њујорк пред секој дом има паркирано Mercedes, додека во Германија Chevrolet се гледа многу ретко.