Гласот на Америка со видео: Уште едно лице извади пиштол кај Скендербег и пукаше
Објавено во: Македонија 07 Јули, 2022
Фото: Гласот на Америка
Гласот на Америка објави видео и фотографии од второ лице кое вчера вперило пиштол кон толпата која протестираше по повод францускиот предлог а минуваше кај плоштадот Скендербег на пат кон Министерството за надворешни работи.
Според Гласот на Америка, може да се види дека има уште едно лице, покрај она за кое МВР извести дека е уапсено, а подоцна Христијан Мицкоски, лидерот на ВМРО-ДПМНЕ, рече дека требало да биде убиен од него.
Изданието тврди дека според снимката, лицето прво го репетира огненото оружје, а потоа стрела во воздух. Набргу после тоа, лицето го напушта просторот.
Целосно во црна облека, со капче и очила за сонце е второто вооружено лице што стрелаше за време на тензиите што се случија кај плоштадот „Скендербег“ во Скопје.