Горан Теменугов: Битиќи е компетентен, Бесими способен
Објавено во: Македонија 21 Август, 2020
Мандатарот ги предложи, Собранието треба да ги изгласа министрите во идната Влада. Македонија е сред еден од најголемите предизвици предизвикан од Пандемијата на Ковид-19. Здравствената криза предизвика и голема економска криза, а со тие проблеми во иднина треба да се справува економскиот тим во Владата. А предложени се луѓе кои јавноста ги знае, барем повеќето имале функции и досега. Дали ќе успеат да се справат со големиот предизвик, ќе носат ли економски одлуки кои ќе бидат во функција на граѓаните и на стопанството, со што треба прво да се зафатат. Ги прашуваме економските новинари. Горан Теменугов, уредник во Телевизијата Алсат М поединечно ги оценува персоналните решенија во владиниот економски тим.
Легенда:
1 - Ќе направи нешто
X - Непознато
0 - Сомнително
Од досега познатите предлози за економските ресори, ќе се обидам да типувам кој што може да постигне во својот мандат. Редот на министерствата е заснован врз редот кој го имаат на официјалната страна на Владата www.vlada.mk .
Вицепремиер за економија, Фатмир Битиќи – 1.
Битиќи сметам дека е компетентен и дека добро ќе ги координира ресорите. Има поддршка од идниот премиер Зоран Заев, учествуваше во програмата на СДСМ и е крајно коректен како личност (плус нема афери). Ќе направи нешто.
Министер за финансии, Фатмир Бесими – 1.
Бесими на поискусните новинари ни е познат пред се од Министерството за економија. Образован, компетентен, способен и добар организатор. Плус кооперативен, иако е ненаметелив. Ќе биде од рангот на Никола Поповски и Зоран Ставревски ако не биде под големо влијание на ДУИ.
Министерство за транспорт и врски, Благој Бочварски – X.
Тешко е да се каже. Сакам да верувам дека е способен, но не сум сигурен дали има капацитет. Треба да почекаме, па да видиме како ќе се снајде на позицијата министер.
Министерство за економија, Крешник Бектеши – 0.
Добро познат од минативе три години. Имаше потенцијал, но не го искористи. Верувам дека и во овој мандат ќе биде исто. Нема да ги направи потребните исчекори за да го санира секторот. Премногу популизам, премалку суштина – во духот на ДУИ. Штета.
Министерство за земјоделство, Атијанит Хоџа – Х.
Иако Хоџа има политичко искуство, исто како и Бочварски за мене е голема непознаница. Не сум сигурен дека ќе даде резултати, но ајде, се надевам дека ќе приреди изненадување и тоа на гостински терен, бидејќи ДУИ веројатно ќе го опструира.
Можеби ќе ве интересира
„ЗА СЛУЧАИТЕ СО ДИРЕКТОРКИТЕ МВР НЕ ЧЕКАЛО ДА СЕ ИЗЈАСНИ ДКСК“: СДСМ бара итна рекација и за Христовски од сите надлежни институции
КОЈ КОГО УСПЕА ТОЛКУ ДА ИЗНЕРВИРА - еве какви пораки беа испишани со спреј на автомобил во Скопје
СЕ НИЖАТ ИСКУСТВАТА НА ОДБИЕНИТЕ ОД ФИТР: По д-р Лазаров, се огласи и Стаменов од „Донирај компјутер“- „А ќе им го обелевме образот“
„УПОРНО ДОНИРАТЕ НА ПРИВАТНИ СМЕТКИ, ИМАМЕ СЛУЧАЈ КАДЕ МАЈКА ИМА ВИШОК ДВА МИЛИОНИ ДЕНАРИ И НЕ РЕДОНИРА НИТУ ДЕНАР“: Д-р Лазаров прашува „кој круг од пеколот е за вакви особи?“
Туберкулозата во 21 век: Зошто оваа болест сѐ уште претставува глобална закана?
НАД 500 ДЕЦА ПОВИКАНИ ВО ПОЛИЦИСКА СТАНИЦА: расте бројот на малолетници во судир со законите, но и на оние во ризик
ФАКТОР НА ДЕНОТ: Владата го доби извештајот од ЕК, Мицкоски вети дека ќе работи на реформите
СИЉАНОВСКА-ДАВКОВА ЗА ИЗВЕШТАЈОТ НА ЕК: Тоа е објективна слика и патоказ за реформските приоритети
МУРТЕЗАНИ НАЈАВИ ДЕКА ВЛАДИНА ДЕЛЕГАЦИЈА ОДИ ВО КОСОВО: Ќе одиме во Приштина пред да одиме во Белград
