Гостивар и Драгаш заедно ќе конкурираат за средства од ИПА фондовите
Објавено во: Економија 18 Јануари, 2014
Првите луѓе на општина Гостивар и косовската општина Драгаш, денеска со потпишување меморандум, ја официјализираа соработката за користење средства од ИПА фондовите за прекугранича соработка.
Според најавите на градоначалниците двете општини ќе конкурираат за проект чија цел е развој на селскиот туризам и економијата.
Половина од парите, 250 илјади евра треба да бидат распределени на сметка на Гостивар, а другата половина на општината Драгаш.
- На наша територија проектот предвидува изградба на пешачка патека покрај Вардар од Гостивар до Вруток во должина од 10 километри, како и отворање на инфо центар во селото, изјави градоначалникот на општина Гостивар Невзат Бејта.
Гостинот од Косово, градоначалникот на општина Драгаш, Салим Јенузи изрази големо задоволство што двете општини ќе соработуваат на овој начин.
-Проектот е од големо значење за двете страни. Службите кои имаат работено на апликацијата професионално си ги завршиле своите обврски. Сметам дека нашиот проект ќе биде прифатен и ќе ги добиеме бараните средства за да ги реализираме активностите, рече Јенузи.
Вкупниот буџет за реализацијата на отворениот оглас за прекугранична соработка помеѓу Македонија и Косово, изнесува околу 3,6 милиони евра од кои половината се наменети за македонска, а другата половина за косовската страна.
Можеби ќе ве интересира
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
ВАЖНО: Граѓани, проверете ја вашата даночна пријава за 2023 година
АЗЕСКИ СЕ СРЕТНА СО МАЈК ЗАФИРОВСКИ: Потребно е запирање на сивата економија
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
„СО БРАНЕ И РИЛИНД НЕ СЕ ПЛАШЕВ ОД НИТУ ЕДНА БИТКА“ - средба на Тевдовски со некогашните соработници
„Тиквеш“ ги претстави своите модерни практики пред учесниците на регионалната Винска летна школа
