Град паѓаше во Неготино
Објавено во: Македонија 19 Јуни, 2019
Во Неготино денеска паѓаше дожд и град со големина на орев. За кратко време улиците во градот беа претворено во реки.
Невреме попладнево имаше и во Скопско.
Утре попладне се очекува нестабилно со пороен дожд, грмежи и засилен ветер. Локално ќе има појава на невреме со пообилен дожд, силен ветер и појава на град. Максималната температура ќе достигне до 27 степени Целзиусови.
Пораст на дневните температури, кои викендов ќе достигнат до 37 степени и сончево и топло време, најавува Управата за хидрометеоролошки работи (УХМР).
В петок и за викендот ќе преовладува сончево и топло време, со услови за изолирана појава на пороен дожд и грмежи.