Град Скопје ja запира градбата на објектот на „зелениот кров“ на ГТЦ

Добивај вести на Viber

Градбата на помошниот објект на кровот на ГТЦ, за кој еко-активистите тврдат дека ќе биде угостителски објект, е сопрена, објави Канал 5. Критиките од јавноста ја принудија градската администрација зеленилото на покривот да продолжи да го поставува, но за функцијата на објектот градоначалникот ќе одлучува со архитекти и активисти.

Еко-активисти објавија фотографии од Градскиот трговски центар а на истата велат дека се гледа како се гради кафуле, иако целосно кровот било замислено да биде „зелен“. Проблем претставува бетонската конструкција од 1000 метри квадратни, за која постои критика дека е всушност поголем дел од оној „зелениот“. Крајниот рок за изградба на зелените 1800 метри квадратни истекува на 30 ноември.

Градоначалникот на Град Скопје, Петре Шилегов, кој неодамна во врска со оваа тема рече дека станува збор за помошен објект, без да објасни дали ќе служи за комерцијални цели.

Шилегов рече дека ако се констатира изградба на објект за угостителска намена, Градот ќе побара преиспитување и корегирање на позициите кои ГТЦ ги има во однос на тој објект“.

„Бидејќи во јавноста се крена галама, оправдана или неоправдана, не можам да кажам, сакам да биде соопштено што е тоа што имаат намера да го изградат на кровот на ГТЦ, бидејќи матичната согласност што ние ја дадовме беше поставување на урбана опрема а не изградба на објект. Ако се констатира дека се гради објект со таков тип на намена, ние ќе мораме да бараме преиспитување на таа позиција и корегирање на позициите кои што ги има ГТЦ во однос на тој објект“, рече Шилегов.