Градот Монтабаур застана на страната на Андреас Лубиц
Објавено во: Свет 31 Март, 2015
Пастирот на Лутеранска црква во германскиот град Монтабаур, родното место на Андреас Лубиц, изјавил дека гратчето застанува зад вториот пилот и неговото семејство. Изјавата доаѓа по тврдењата на обвинителството дека 27-годишниот Лубиц е одговорен за несреќата во која загинаа 150 лица.
Градот Монтабаур беше потресен од откритијата за евентуалната улога на Лубиц во несреќата.
„За нас е исклучително тешко да го прифатиме фактот дека единствената жртва од Монтабаур е осомничена дека ја предизвикала оваа трагедија, оваа катастрофа, иако тоа сеуште не е конечно потврдено. Но многу докази зборуваат дека ова можеби е вистина и ние треба да го прифатиме овој факт “, изјавил свештеникот Михаел Дитрих.
„Вториот пилот и неговото семејство се дел од нашата заедница и ние стоиме зад нив, ние нема да криеме дека го поддржуваме семејството на Лубиц“, додал Дитрих.
Француските обвинители сеуште не го сослушале семејството на Лубиц, појаснил обвинителниот од Марсеј Брис Робен. Тој додал дека обвинителите ќе започнат со истагата на роднините на вториот пилот.
Тој посочи дека се уште ниту еден труп од авионот не бил идентификуван со што ги демантираше тврдењата на германски медиуми дека телото на Лубиц било пронајдено.