Грчката полиција ќе го чува клучниот Данелис, како македонската што ги обезбедуваше Мукоски и Канческа-Милевска
Објавено во: Македонија 16 Јануари, 2019
Грчката полиција превзеде зголемени мерки на надзор над пратеникот Спирос Данилис, кој одлучи да гласа за поддршка на владата на Алексис Ципрас и за ратификацијата на Преспанскиот договор во грчкиот парламент.
Нивото на претпазливи мерки се зголемени кон исклучениот пратеник на „Река“ и за полицијата тој сега е „потенцијална цел“, објави грчката телевизија „Скај“.
Данелис е под заштита од 24 часа и му се доделени два полициски чувари. Другите членови на безбедносните сили ќе ги контролираат и надгледуваат местата каде што пратеникот ќе се движи и престојува..
Вчера Данелис беше исклучен од опозициската „Река“ поради ставот спротивен на партијата. Неговиот глас ќе биде клучен во обезбедувањето на парламентарно мнозинство за изгласување доверба на грчката влада на Сириза, по оставката на Панос Каменос од Независни Грци како министер за одбрана, како и за ратификацијата на Преспанскиот договор.
Ситуацијата со Данелис наликува на онаа со исклучените пратеници од ВМРО-ДПМНЕ кои гласаа за отворање на уставните измени на 19 октомври согласно Преспанскиот договор.
Особено полициското обезбедување беше зајакнато за Сашо Василески, Крсто Мукоски и Љубен Арнаудов, кои беа судски ослободени од куќен притвор за да обезбедат двотретинско мнозинство во Собранието.
Во текот на вечерта силни полициски сили го чуваа домот на екс-министерката Елизабета Канческа Милевска, а Мукоски до своето родно Вевчани беше испратен со две комбиња полни со специјалци.