Грчки генерал се закани дека ќе ги нападнат стратешките мостови во Истанбул
Објавено во: Балкан 22 Јуни, 2022
Грчкиoт генерал Јанис Еголфопулос и се заканува на Турција.
Toj се закани со ракетен напад на стратешките мостови во Истанбул што ги поврзуваат Европа и Азија. Политикологот Таки Барбракис изјави дека разговорите за можноста од војна меѓу Анкара и Атина во последно време се зачестени меѓу грчките политичари, објави „Ал Џезира“.
Најновиот проблем меѓу двете земји се појави поради островите во Егејското Море. Турција ја обвинува Грција за поставување оружје на островите во близина на турската граница, а Грција тврди дека оружјето е неопходно за самоодбрана. Грчкиот премиер Киријакос Мицотакис ја обвини Турција за дестабилизирање на ситуацијата на Кипар.
Турскиот претседател Реџеп Таип Ердоган, вели дека Грција мора да ги признае своите граници и да се придржува до нив, затоа што во спротивно Анкара ќе одговори одлучно.
Пред неколку години медиумите пишуваа дека германската канцеларка, Ангела Меркел спречила војна меѓу Грција и Турција.
foto freepik.com