Грчките медиуми пишуваат за други опции за името

Добивај вести на Viber

Горна и Нова Македонија како можни варијанти за решение, повторно се враќаат на маса, пишуваат грчките медиуми откако официјална Атина, вчера индиректното го отфрли името „Република Илинденска Македонија“. 

„Во суштина, случајот со преговорите со ПЈРМ започнува од почеток или веројатно од таму каде што застанаа Коѕијас и Димитров во присуство на Метју Нимиц“- пишува информативниот портал „Ин“ и ги споменува петте предлози од медијаторот, „Република Нова Македонија“, „Република Горна Македонија“, „Република Вардарска Македонија“, „Република Северна Македонија“ и „Република Македонија (Скопје)“.

Медиумите кај јужниот сосед пишуваат за лидерската средба за името. 

„Грција се чини дека бара излез во други опции, а конкретно, силното „не“ турка кон почетните предлози што беа доставени, особено Горна Македонија и Нова Македонија, без превод и секако за севкупна употреба. Секако, некои потенцираат дека временската одредница (Нова) можеби има повеќе шанси“-  пишува онлајн изданието на грчкиот весник „Та неа“. 

Се наведува и дека овие две имиња имаат „исто така имаат негативна тежина“, но во споредба со „Илинден“ полесно би се нашол заеднички јазик со партиите од опозицијата.