Грција не гледа во Русија закана за Балканот
Објавено во: Балкан 27 Мај, 2018
Грција не ја смета Русија за непријателска сила и не гледа закана за Балканот во неа, рекол грчкиот заменик-министер за надворешни работи, Јоргос Кастрогалос.
"Правиме сериозни обиди за стабилизација на Балканот. Не мислиме дека Русија е непријателски настроена, ја гледаме како пријател и сакаме да ги подобриме нашите односи", изјавил Катругалос за време на учеството во Петербургскиот меѓународен економски форум. Неговата изјава е реакција на изјавата на американскиот државен секретар Мајк Помпео дека Русија е дестабилизирачки фактор на Балканот.
Помпео пред Комисијата за надворешни односи на американскиот Сенат изјави дека Русија се обидува агресивно да ја зајакне својата позиција на Балканот, но дека американската администрација ќе се спротивстави на тоа.
"Руското влијание продолжува да расте се повеќе и поагресивно на Балканот, и ова е веќе реалност, а ние мораме да се бориме", рече Помпео.