ГРЦИТЕ ТРАГААТ ПО ИСЧЕЗНАТИТЕ: Се пребарува куќа по куќа
Објавено во: Балкан 26 Јули, 2018
Портпаролот на противпожарната бригада Ставрула Малри, вели дека потрагата по исчезнати лица во изгорените објекти во источна Атика продолжува.
„Тимот пожарникари во моментов спроведува пребарување од куќа до куќа во областите зафатени од пожарот, во потрага по евентуални нови жртви“- вели Малри.
Но, тие сé уште не почнале да влегуваат во домовите кои се заклучени.
Противпожарната бригада побара од членовите на семејствата на исчезнатите лица да се информираат за постапката што треба да се следи за идентификација на жртвите.
Ќе мора да се провери целиот терен.
Бројот на загинатите од пожарите во близина на грчкиот главен град Атина, се искачи на 83.
фото агенција АНА МПА