ГРОМ се огради од пцовката на Јакимовски
Објавено во: Македонија 09 Август, 2018
Партијата на Стевче Јакимовски, ГРОМ, се огради од пцовките и недоличниот речник на нивниот лидер упатени кон дел од новинарите при вчерашното изнесување пред суд кога беше запрашан за коментар.
Од ГРОМ велат дека тоа се лични ставови на Јакимовски, а не на партијата и дека истите биле упатени кон одредена телевизиска куќа а не кон сите новинари.
Поранешниот градоначалник на Карпош и министер на два ресори е обвинет за тендери без банкарска гаранција, откако финансиска полиција му ги пребаруваше домовите низ Скопје.