Грција е подготвена за соработка со Турција, но не сака турски воени патроли на границата

Добивај вести на Viber

Атина е подготвена да соработува со Анкара за ограничување на бегалскиот бран, но нема да дозволи турски гранични патроли во грчките води. Премиерот на Грција, Алексис Ципрас го поддржал заедничкиот став на Европа, и инсистирал на „распределба на одговорноста“, пренесоа агенциите.

Атина е подготвена да соработува со Турција по прашањето со бегалската криза, но нема да учествува во обезбедување на границата во Егејското Море со заеднички патроли. Грчките политички сили од опозицијата исто така го подржале премиерот дека е недозволиво турски воени патроли да се пловат во грчките води.

Алексис Ципрас изрази задоволство од одлуката на Европската унија за заедничката акција со Анкара. „За жал Европската унија се движи со брзина на желка кога настаните се големи и брзи. Поставени сме пред проблем поврзан со функционирањето на Унијата. Решението за прашањето со бегалците мора да се бара во духот на взаемна поддршка помеѓу страните и распределба на одговорноста . Одлуките на европско ниво се во правилна насока“, изјавил Ципрас.

По уште една трагедија со четворица удавени бегалци, од кои три се деца, денес во посета на Лезбос пристигнува и претседателот на Европарламентот, Мартин Шулц и еврокомесарот за миграција Димитрис Аврамопулос.