Грција со нова понуда: Доставува до доверителите план со болни отстапки
Објавено во: Балкан, Економија 02 Јуни, 2015
Владата подготвилa нов "реалeн" план за решавање на должничката криза, кој го претстави на меѓународните кредитори, објави премиерот Алексис Ципрас.
Тој не откри детали, но рече дека тој содржи "болни отстапки".
Според извори во Атина планот е во согласност со тезите на Ципрас во статијата во "Монд" во понеделникот.
Во неа тој ја потврди својата решеност да ги брани правата на работниците, но посочи дека владата ќе заврши некои приватизации, на кои претходно се спротивставуваше, и ќе го реформира пензискиот систем и оданочувањето со ДДВ.
Ципрас ја даде пораката неколку часови по средбата во Берлин меѓу канцеларката Ангела Меркел, францускиот претседател Франсоа Оланд и шефот на ЕК Жан-Клод Јункер, на која биле поканети и шефовите на ММФ и ЕЦБ Кристин Лагард и Марио Драги.
Тие присуствувале на "конечниот предлог", што ќе ги претстават на Грција.
Во јуни Грција мора да врати на ММФ 1,6 милијарди евра од долгот, од кои првите 300 милиони во петокот. При договор со доверителите ќе добие транша од 7,2 милијарди евра.