Груби: Идентитетот е загарантиран, опозицијата да не блокира за измислена кауза
Објавено во: Македонија 14 Декември, 2020
Во Владата во тек е отчетот за работата на Владата во првите 100 дена од мандатот. По обраќањето на премиерот Зоран Заев кое беше поопширно, втор зборот го имаше првиот вицепремиер Артан Груби. Во Владата влезе на оваа позиција која впрочем е нова во функционирањето на владиниот кабинет. Груби зборуваше на албански јазик, но на македонски јазик им се обрати на граѓаните Македонци и рече дека Македонија не преговара со Бугарија за идентитетот и рече дека тој е загарантиран.
Зборуваше за дел од проектите во овие 100 дена и се обрати до опозицијата. Рече дека вчерашните избори во Пласница и во Штип на кои победија СДСМ и ДУИ се сигнал дека како што рече, координираното бојкотирање не даваат резултат.
„Бојкотирањето на Собранието, секојдневното блокирање на улиците за измислена кауза не се во ред. Затоа им порачуваме да ја прифатат подадената рака и да функционираме за доброто на граѓаните, рече Груби.
Вели дека Владата работи за создавање на ново општество за еднакви граѓани.