„Гугл”, „Фејсбук” и „Твитер“ не се бореле против ширење на џихадистички идеи?
Објавено во: Свет 25 Август, 2016
Комисија на британскиот Парламент ги обвини интернет компаниите и најмногу „Гугл", „Фејсбук" и „Твитер" дека не применуваат доволно средства за да го спречат ширењето на исламистички идеи.
„Современата линија на фронтот е интернетот“- пишува претседателот на комисијата за надворешни работи, пратеникот Кит Вас, во извештајот.
Тој смета дека преку социјалните мрежи ваквите групи привлекуваат членови и ја шират својата идеологија.
Понатаму тој ги обвинува „Гугл", „Фејсбук" и „Твитер" дека се неспособни да реагираат на оваа закана. Според него токму со овој неуспех тие дозволуваат одредени зони на интернет да се претвораат во зони на беззаконие. За комисијата стотиците илјади затворени профили на „Твитер" и милионите симнати од „Гугл" видеа се само „капка во морето". Пратеникот вели дека проблемот доаѓа од тоа што недостасуваат доволно луѓе кои ќе ја следат сомнителната содржина. Овие компании имаат екипи само по неколку стотини вработени, за да следат милијарди профили, додава Вас.