ХАКЕРСКИ НАПАД НА ДРЖАВНАТА АЛБАНСКА РАДИО-ТЕЛЕВИЗИЈА: Побарано е 300.000 долари за враќање на архивата
Објавено во: Балкан 25 Септември, 2021
Хакери кои
упаднале во системот на националниот радиодифузен сервис на Албанија, побарале
откуп од 300.000 долари за да ја вратат архивата која ја криптирале.
Засега сеуште непознатите хакери, упаднале во серверите на Радио-телевизија Албанија уште пред две недели преку системот „ransomware“, а според наводи на Топ Ченал, тие успеале да ја шифрираат базата на податоци преку онлајн мрежата, по што веднаш го побарале откупот во висина од 300.000 долари.
-Менаџерскиот тим на РТШ одбил да плати за фраќање на податоците, бидејќи голем дел од базата на податоци била копирана во офлајн резервна копија, известува пренесува Топ чанел.
Хакерите направиле штета само на дел од дигиталната архива на Радио Тирана.