ХАКИМ РАМАДАНИ ПО РАЗРЕШУВАЊЕТО ОБВИНУВА: „Ми испратија 'милозвучно писмо' ама заканувачко“
Објавено во: Македонија 13 Ноември, 2025 12:48
Откако премиерот Христијан Мицкоски го разреши Хаким Рамадани од функција, заради заминување во странство со кандидат на ДУИ да бараат гласачи-иселеници за локалните избори во Брвеница, денес тој обвинува дека му се закануваат.
„Ме разрешија без да ме прашаат, Изеет Меџити ме назначи на оваа функција!“
Писмо до оние што мислат дека стравот ги држи луѓето под контрола!
Денес ми испратија едно „милозвучно“ писмо, кое во суштина е заканувачко.
Почитувана државна секретарке г-ѓо Јулијана, го разбирам притисокот што се обидувате да го вршите преку телефон.
Но, како што вели филмот за Исмаил Ќемали: „Зошто не се смиривте кога го уапсивте, туку сега се однесувате како добри?“
Ве познавам веќе 16 месеци – и подобро од мене знаат Албанците што работат во тоа министерство како ги малтретирате.
Залудно ви е. И вам, и на сите што мислат дека власта е вечна – деновите ни се избројани.
Според законот, немавте никакво право. Од денот кога се распишуваат изборите, премиерот нема право ниту да назначува, ниту да разрешува. Но, вие сепак ме разрешивте – морално, од институцијата.
Сега, можеби го чекате само моментот да ме „разрешите“ и правно.
Но, не ме боли затоа што волкот ми ги изеде овците – ме боли затоа што и кучињата од моето стадо се придружија на тој пир.
Се обидовте да ме понизите, да ме избришете, да ми го одземете авторитетот.
Но авторитетот не се дава со декрет, ниту се одзема со писмо.
Се гради со чесност, со истрајност и достоинство – вредности што вие не ги познавате.
Ме посрамотивте, но не заборавајте – и Груевски посрами многу Албанци, а денес скита како бегалец во Будимпешта.
Историјата не им простува на оние што ја користат државата за лична одмазда.
Ставете прст на глава и размислете добро:
Кој прави зло, завршува во затвор – во Будимпешта, во Тирана, во Москва или било каде.
„Волкот ја менува влакната, но не и навиката.“
„Вистината не се плаши, дури и кога останува сама.“
„Кој се бори за правда, не познава страв.“, напиша тој.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Тошковски: Тврдењата дека Македонија ќе биде хаб за мигранти немаат врска со реалноста
ФАКТОР НА ДЕНОТ: Поранешните министри за економија и директори на ДЗС негираат вина за „Пулс“
Сиљановска-Давкова: Aко се работи за лица кои се опасност за Британија, тие се подеднакво опасни и за нас
Протест ќе има за поддршка на поранешните водачи на ОВК - Мицкоски кажа какви мерки ќе преземат
Оружје од Косово е најдено на локации во Сингелиќ и Брест, уапсени се 12 луѓе
Со реакција се јави Спасовски за кривичната: МВРО-ВМРО се враќа на сцена секогаш кога треба да се дефокусира јавноста
ПОЗНАТО КОЈ ЌЕ ПЕЕ НА ПЛОШТАДОТ ЗА НОВА ГОДИНА: Само македонски пејачи ќе ги забавуваат скопјани
Обвинителството бара притвор за тројца Бугари, шверцувале македонски народни носии
„Најмалку една лиценца за „Пулс“ е издадена додека Бектеши не бил во Македонија“, вели адвокатот Миланов
