ХАЈРЕДИНИ: ДА БЕШЕ ПРЕМИЕР ЌЕ ГО ПРОГЛАСЕШЕ ЗА ПЕРСОНА НОН ГАРТА - Го валкал нашето судство
Објавено во: Македонија 28 Јуни, 2023
Поранешниот министер за финансии, Џевдет Хајредини, непрекинато се огласува на главните теми или „бранувања“ во макеоднската јавност.
Тој без „задржување“ денеска се осврна на поранешниот премиер Зоран Заев и на неговата реакција по објавата на австриската амбасада и амбасадорот Георг Вуцас, кои преку допис до медиумите упатија жестоки критики до македонското правосудство, барајќи да се разрешат сите судии и јавни обвинители, но и да им се укинат лиценците на извршителите и нотарите кои постапувале во спор што се води меѓу австриската компанија „АММА ДОО Хоенемс“ и валандовската фирма „ДЕНА трејд“ за производство на корнишони, поврзана со семејството на поранешниот премиер Зоран Заев.
На ова Заев најави тужба против австрискиот амбасадор, а Хајредини денеска напиша:
- Поранешниот премиер Зоран Заев се закани дека ќе го тужи амбасадорот на Австрија во земјава Георг Вуцас.
ххх
Да беше премиер, ќе го прогласеше персона нон грата, зашто, освен неговото име, го валкал и нашето судство - пишува Хајредини на Фејсбук.