Хисени се срами од припадниците на својот етникум што го претепаа до смрт „комитата“ Саздовски
Објавено во: Македонија 10 Јули, 2018
Основачот и претседател на Здружението на ветераните од војната на ОНА, Даим Хисени, попознат како „Командант Валтери“ испрати писмо со сочувство до семејството на членот на „комити“ Никола Саздовски, кој почина вчера по десетдневна кома по претепувањето на улица од страна на припадници на навивачката група „шверцери“.
„Свесен дека вашиот син не можеме да го вратиме меѓу своите родители и пријатели, но правдата за неговата смрт бараме да се води до крај. По повод одземениот живот на вашиот син Никола Саздовски, дозволете денеска да ја споделам претрпената болка заедно со вас. Посрамен сум од криминалниот злочин, извршен од страна на хулигани кои припаѓаат на мојот етникум. Нека мирната душа на Саздо биде јасна порака до сите нас, како во иднина треба да делуваме во семејството, како да ги воспитуваме нашите деца и како треба да се лекува и негува нашето болно општество“ пишува Хисени.
Саздовски, по извршената обдукција, ќе биде погребан денеска во селото Ракотинци. а од навивачката група „Комити Скопје“ наведоа дека групно ќе заминат за да присуствуваат на настанот и да искажат последен поздрав.