ХРВАТИ ЗА ГЕРМАНИЈА: Не е тоа ветена земја, ни велеа дека никогаш нема да бидеме како нив
Објавено во: Балкан 08 Мај, 2018
За двајца млади од хрватскиот град Осијек, Германија не е ветена земја.
Тин Пинтариќ кој има 19 години четири месеци работел на градилиште во Германија.
За германскиот работодавец вели дека бил некоректен, па дури и го терал да работи на црно.
„Не бев пријавен, чекав да ми стигне здравствена картичка за да отворам сметка. Го молев човекот да отворам сметка во германска банка, но тој одложуваше. Мислев ќе биде, но тоа не се случи. Ме исплаќаше на црно. Ниту животот по работа не беше лесен, во соба бевме тројца“- вели момчето.
Неговиот пријател Домагој иако бил одличен ученик, на неполни 19 години, заминал во Германија, и таму бил година дена.
„Платата ми беше мала. Има голема разлика меѓу нас странци и Германците. Тие индиректно ни порачуваа дека никогаш нема да бидеме како нив“- додава Домагој.
Велат дека животот во Германија е прескап, и не може лесно да се заштеди, а откако се вратиле во Хрватска се вработиле веднаш и се задоволни.