Хрватска на сите граѓани ќе им дава по 1 300 евра за летување

Добивај вести на Viber

Граѓаните на Хрватска од 2018 година, како што е во план, ќе добиваат ваучери во износ од 10 000 куни (околу 1 325 евра) кои ќе ги потрошат за летување во својата земја.

Првите туристички ваучери или таканаречени кро-картички би требало да почнат да се делат во 2018 година.

Тоа е план на министерот за туризам кој проектот го наследил од својот претходник. 

Како ќе функционира тоа, односно колкав износ ќе им биде на располагање на граѓаните допрва треба да се дефинира.

Според првиот предлог, би се укинал постоечкиот регрес до 2 500 куни (околу 330 евра) а би се вовел туристички ваучер до 10 000 куни годишно.

Во второто сценарио, ваучерот би изнесувал до 5 000 куни (околу 660 евра) со задржување на регресот.

Парите работодавците би ги уплатувале на посебна банкарска сметка, а граѓаните на Хрватска би ги трошеле по пат на кро-картичка, слично како што сега користат картичка на тековна сметка

Би се одредил процентот за поедина категорија трошоци. Засега предлогот е 50 отсто да се ограничи за сместување, околу 30 отсто за храна и пијалок, а останатите пари би биле за музеј, вежби, и слично.

Картичката граѓаните би можеле да ја користат за одмор во континентална Хрватска во текот на цела година, како и надвор од сезоната на морето, пишѕва Т-портал.

Кој од овие два модели ќе биде изберен ќе се одлучи во преговорите на Министерството за туризам со Министерството за финансии, работодавците и синдикатите.