Human Rights Watch: Бегалци се блокирани на српско-бугарската граница
Објавено во: Балкан 08 Декември, 2015
Ахмед (21 година) е еден од стотиците авганистански мажи, блокирани во малиот пограничен град Димитровград на српско-бугарската граница. Тој изјавил дека е тука веќе една недела, чекајќи да биде регистриран од српските власти, кои ќе му дадат документи, овозможувајќи му да го продолжи патот кон Хрватска и од таму кон Западна Европа. Пред да пристигне во Србија, Ахмед поминал низ Иран, Турција и Бугарија, пишува на сајтот за спроведувањето на законот на организација „Human Rights Watch“.
Прифатните центри во Димитровград можат да прифатат само 80 лица. Останатите треба да го истрпат студеното време отворено со недоволните помагала понудени од српските власти. Волонтерите кои се обидуваат да помогнат, треба да се соочат со пречки, издигнати од властите.
„Полицијата бара пари за да ни бидат обработени податоците побрзо. Тие сакаат 25 евра, но немам пари и затоа чекам веќе едена недела да ми дојде редот. Некои од мигрантите вчера платија и го напуштија местово“, изјавил Мохамед (22 години).
Во април организацијата „Хјуман рајтс воч“ соопшти за малтретирање од страна на полицијата во однос на бегалците во Србија, како и за погрешните практики за време на нивната регистрација. Србија е обврзана под европското право да се однесува хумано кон бегалците, а не да ја отежнува грижата за нив.