И Косово прогласи ден на жалост поради загинатите во автобуската несреќа
Објавено во: Македонија, Балкан 23 Ноември, 2021
Косово прогласи ден на жалост поради трагедијата во Бугарија.
Косовската претседателка Вјоса Османи денеска донесе одлука 24 ноември да биде прогласен за ден на жалост во знак на почит кон граѓаните на Северна Македонија кои загинаа во автобуската несреќа во Бугарија, главно македонски Албанци.
45 луѓе загинаа во тешка сообраќајна несреќа кај селото Боснек, југозападно од Софија. Меѓу жртвите има и 12 деца. Седум патници од автобусот се повредени и пренесени во болница во Софија.
Утре и во Бугарија е ден на жалост, а во Македонија е прогласена тридневна жалост.