Илија Димовски: Има само неколку примероци од извештајот за Јанева и нема да може да се земат кај себе
Објавено во: Македонија 05 Септември, 2019
Илија Димовски, пратеникот на ВМРО-ДПМНЕ, пред да ја отвори собраниската Комисија за именување како нејзин претседател истакна дека истата ќе мора да биде затворена за јавноста затоа што во извештајот од Советот за јавни обвинители за разрешувањето на специјалната обвинителка Катица Јанева има премногу сензитивни детали и дека дури и пратениците кои што ќе учествуваат нема да може да земат примерок за себе.
- Примероците од извештајот на Советот за јавни обвинители ќе бидат ограничени. Пратениците кои имаат безбедносен сертификат нема да може да ги добијат туку ќе може само да ги разгледаат на почетокот од седницата., Потоа примероците ќе бидат вратени во собраниската служба која работи со класифицирани материјали, рече Димовски.
Тој потврди дека седницата ќе мора да биде затворена за јавноста, бидејжи истата нема да може да се одржи во спротивно.
- Одлуката на Советот за јавни обвинители беше материјалот да остане класифициран, бидејќи има многу внесени детали Ако не ја затвориме седницата, нема да можеме да ја отвориме. Од таа причина јас ќе предложам затворање на седницата и ние како пратеници ќе гласаме Иако мислам дека ова е тема од највисок јавен интерес и дека јавноста заслужува да ги знае деталите. Собранието има обврска оваа постапка да ја заврши. Одлуката инаку се изгласува со просто мнозинство, рече опозицискиот пратеник.