Им се расипал автомобилот на Осоговски планини, па барале помош
Објавено во: Македонија 24 Мај, 2024
Центарот за управување со кризи извести дека неколку лица враќајќи се од настан на „Царев Врв“ на Осоговски планини имале дефект на возилото и истите барале помош.
Денеска попладне во 16.15 часот повикот стигнал од лицето за контакт од Доброволнота спасувачка служба „Осогово“ Кочани, по што даден е совет лицата да се јават на бројот 112 за да се утврди нивната локација.
„Откако се лоцирани, лицата се пронајдени во добра состојба и истите со возило на ДСПС „Осогово“ се вратени во викенд населба ,,Пониква”.
Нивното возило заради дефект е оставено на местото каде се најдени и дополнително ќе го отстранат сопствениците“, извести ЦУК.