Има настани поради кои може да ја пропуштиме декемвриската шанса за во НАТО
Објавено во: Македонија 03 Септември, 2019
За приемот на земјава во НАТО, министерката за одбрана, Радмила Шекеринска денеска изјави дека амбициозно се работи на таа агенда.
Таа е категорична дела декемвриската шанса не смее да се испушти иако Брегзит и случувањата на шпанската политичка сцена, се реална закана поради која процесот на ратификација на протоколот за НАТО може да се успори.
Шекеринска во Блед имаше средба со својот словенечки колега Карл Ерјавец. На средбата беше потврдено искреното пријателство меѓу двете земји, успешната соработка во одбраната и активната поддршка која Словенија и ја дава на Северна Македонија во сите фази на напредок кон интеграциите во НАТО и ЕУ.