ИНЦИДЕНТ НА КОСОВО: Албанци со камења повредија Срби кои дошле во црква
Објавено во: Балкан 28 Мај, 2018
Тројца Срби се повредени во косовското село Петрич, откако ги нападнале албанските жители, пишуваат медиумите во соседството.
Група Албанци кои претходно ги растерала косовската полиција, повторно се собрала и опколила група раселени Срби кои некако успеале да стигнат до црквата Света Тројца во место недалеку од местото Клина, иако Албанците за време на утрото им го блокирале патот.
Тие ги опколиле Србите кои се наоѓале во дворот, но и во внатрешноста на црквата.
Албанците врз нив фрлале камења.
Групата раселени од селото Петрич се вратила за да ги посети остатоците од изрушената црква и селските гробишта, но и да го одбележи празникот Света Тројца.
Црквата се наоѓа на патот Печ-Приштина и е изградена во 1992 година.
Таа е демолирана по доаѓањето на италијанските сили на КФОР кон крајот на јуни 1999 година.