19 Септември, 2020
0.0203

Интервју со младиот Шекеров кој со апликации им помага на децата

Објавено во: Македонија 04 Октомври, 2017

Македонија има многу млади таленти кои прикажуваат одлични резултати со своите ИТ и програмерски вештини, а меѓу нив е Даријан Шекеров, програмерот кој ја изработи познатата апликација „Слико збор“ наменета за децата со аутистичен спектар. Овој млад програмер е добитник на повеќе награди и досега има изработено дваесетина апликации за Android меѓу кои освен за помош на децата има и игри и забавни содржини. Дознајте повеќе за  за талентираниот Шекеров кој веќе има големо искуство зад себе програмирајќи од многу рана возраст, за неговите перспективи и надежи за развој во ИТ индустријата.

Разговараше Христијан Станоевиќ

Фактор: Како започна да креираш апликација за паметни телефони, дали изработуваш само за Android платформата и каде се може да се најдат твоите апликации?

Шекеров: Започнав прво со креирање апликации за компјутер. Кога излезе Андроид како мобилна платформа која е широко достапна за сите, започнав да изучувам Андроид преку интернет. Потоа, почнав да правам сам апликации и да ги објавувам на Google Play Store, прво поедноставни, а потоа како учев и напредував правев и посложени апликации. Моментално изработувам апликации само за Андроид платформата, но имам познавање и од iOS, Web апликации, Windows апликации итн. Како што кажав, апликациите може да се најдат на Google Play Store и може бесплатно да се симнат.

Фактор: Голем успех постигна со апликацијата „Слико збор“ наменета за децата со аутистичен спектар, кој беше мотивот за ваква апликација и дали истата планираш да продолжиш да ја развиваш?

Шекеров: Мотивот на апликацијата беше детето Илин кое има аутистичен спектар т.е. попреченост во говорот. По барање на здружението и родителите со деца со попречености, ја направив апликацијата и многу сум горд и среќен што мојата апликација им помогна на многу деца во Македонија и во светот. Апликацијата е добро прифатена од дефектолозите, родителите и здруженијата и тоа се гледа по позитивните критики и од бројот на симнувања кој е околу единаесет илјади. Досега имам направено неколку надградби на апликацијата; можеби ќе има некоја во иднина ако има барање од здруженијата.


Фактор: Досега имаш изработено дваесетина апликации и игри лансирани во Play Store, дали имаш помош од некого и која е нивната цел?

Шекеров: Имам направено вкупно 16 апликации. Моја последна апликација е „Шарена Азбука“. Апликацијата „Шарена Азбука“ е наменета за малите дечиња кои што почнуваат со учење на буквите од азбуката и првите зборови. Направена е да биде едноставна за користење бидејќи целта на апликацијата е полесно и поедноставно описменување на малите деца од предшколска и рана школска возраст. Од апликациите, половина се игри, а другите се апликации, од кои некои се забавни, некои се едукативни. Идеите и изработката на апликациите се лично мои, зашто сум самоук за Андроид, односно се што имам научено го знам од пребарување на интернет.

Фактор: Што може да им кажеш на читателите на Фактор, кои се твоите желби, каде се гледаш во иднина?

  • Шекеров: Сакам да напредувам во светот на информатиката и да продолжам со изработка на апликации, а себе се гледам во иднина како успешен дипломиран програмер во некоја позната домашна или странска ИТ компанија.
  • Фактор: Што би им порачал на сите млади програмери, дали креирањето на апликации за Android е исплатливо и кои се општо бенефитите?
      1. Шекеров: Се исплати, бидејќи преку создавањето апликации се стекнува искуство во програмирањето и може да се заработи преку изработка на некој иновативен проект.

    Можеби ќе ве интересира

    Димовски: Програмите за двата вида настава требаше да бидат на увид на наставниците, родителите и учениците уште во јуни

    Димовски: Програмите за двата вида настава требаше да бидат на увид на наставниците, родителите и учениците уште во јуни

    ФАКТОР НА ДЕНОТ: Презентирана платформата за онлајн настава, Заев кажа како ќе се субвенционираат вработувања

    ФАКТОР НА ДЕНОТ: Презентирана платформата за онлајн настава, Заев кажа како ќе се субвенционираат вработувања

    Ѓоргиев вели дека Бугарија во македонската историја гледа закана

    Ѓоргиев вели дека Бугарија во македонската историја гледа закана

    Отказ доби советникот на Чулев кој нападна командир во Тетово

    Отказ доби советникот на Чулев кој нападна командир во Тетово

    Дете од Крива Паланка починало во возило на Брзата помош

    Дете од Крива Паланка починало во возило на Брзата помош

    Заев објасни на кој начин ќе се субвенционираат вработувања

    Заев објасни на кој начин ќе се субвенционираат вработувања

    Груевски: Нема никакво изненадување во одлуката на Врховниот суд да ја потврди пресудата за „Тенк”

    Груевски: Нема никакво изненадување во одлуката на Врховниот суд да ја потврди пресудата за „Тенк”

    Насер Нуредини поднаучи македонски јазик

    Насер Нуредини поднаучи македонски јазик

    НОВ ЛОШ КОВИД БИЛАНС - осуммина починаа, 144 новозаболени

    НОВ ЛОШ КОВИД БИЛАНС - осуммина починаа, 144 новозаболени