ИНТЕРВЈУ ЗА РАБОТА: Како да одговорите на 4-те клучни прашања
Објавено во: Економија, Стил 20 Ноември, 2015
Вашата биографија е најважна за првиот впечаток кај работодавецот и е пресудна дали ќе влезете во потесен круг.
Но, најважниот дел од се е интервјуто за работа. Во зависност од компанијата прашањата можат да бидат различни, но сепак има некои клучни прашања кои најчесто сите ги поставуваат. Затоа е добро да се припремите како да ги одговорите, за да оставите и добар впечаток.
Зошто го напиштивте претходното работно место?
Никако не смеете да ја префрлите вината кај минатиот работодавец или да кажете дека го напуштивте работното место поради малата плата. Никој не сака да работи со некој што зборува лошо за претходниот газда или колеги, а ниту пак е добро да се знае дека единствен мотив ви се парите. Заземете позитивен став и без разлика на околностите, кажете дека претходната работа не ве исполнувала и не ви обезбедила можност да стекните искуство или да напредувате.
Кажете ни нешто за себе
Работодавецот не сака да слуша како вие зборувате за приватниот живот или вашето хоби. Бидете директни и зборувајте за лични особини поврзани со работата на која аплицирате. Искористете го ова прашање за да го убедите работодавецот дека вие сте идеалниот кандидат за работното место.
Кои се вашите слабости?
На ова прашање треба добро да размислите. Никој не сака да ангажира работник кој има маани кои директно се поврзани со работното место или не можат да се решат. Секако, треба да бидете искрени, но внимавајте да „изберете” слабост за која имате спремно целосно или делумно решение.
Очекувања за плата
Непишаното правило вели дека оној кој прв ја кажува цифрата го губи дуелот. Затоа најдобро е на ова прашање да одговорите дека платата е многу важен фактор во вашето вработување, но сепак за неа може да разговарате подоцна, кога подобро ќе се запознаете и кога ќе знаете кои се очекувањата од вас. Кога работодавецот ќе процени дека вие сте идеален кандидат за работното место ќе биди отворен и за преговори околу висината на примањата.