Ирачките Курди изјавија дека Турција купува нафта од нив, а не од „Исламска држава“
Објавено во: Балкан 04 Декември, 2015
Сликите, распространети од руското Министерство за одбрана, покажуваат испораки на нафта од ирачките Курди, а не од „Исламска држава“, изјавила локалната власт.
„Нашето министерство на природните ресурси и претходно многупати изјавувало дека стотици цистерни испорачуваат нафта од Курдистан во Турција и тоа не е тајна“, посочил претседателот на комисијата за нафта и гас во парламентот на Ирачки Курдистан, Шерко Џевдет, цитиран од агенциите.
Пред неколку дена Русија објави фотографии, за кои тврди дека докажуваат дека семејството на претседателот на Турција, Реџеп Ердоган купува нафта од џихадистите. Според Москва на нив се гледа како цистерни преминуваат од контролираната територија од „Исламска држава“ кон Турција.
Џевдет тврди дека на нив всушност се гледаат цистерни кои превезуваат нафта од ирачки Курдистан до терминалот Џејхан во Турција. Претседателот Ердоган ги нарече обвиненијата на Москва „клевета“ и изјавил дека ќе поднесе оставка ако тие бидат докажани.