Исламската верска заедница во Македонија ги отвора џамиите на 12 мај
Објавено во: Македонија 08 Мај, 2020
Исламските верски храмови, кои до сега беа затворени за молитва во Македонија, ќе се отворат на 12 мај, објави Алсат, по одлуката на Исламската верска заедница во земјата.
Ова решение е донесено на вчерашниот вонреден состанок на Ријасетот, со што верниците од вторник ќе можат да ги посетуваат џамиите.
ИВЗ претходно одлучи да ги затвори џамиите по мерките и препораките против ширење на вирусот Ковид-19 што ги донесе Владата.