ИСТОРИСКИ МИНИМУМ: Шведска ја намали каматната стапка!

Добивај вести на Viber

Централната банка на Шведска (Riksbanka) ја намали референтната каматна стапка за 15 базни поени, на нов историски минимум од минус 0,5 одсто.

Како причина е наведен бавниот раст на стапката на инфлација во нејзината монетарна политика.

„Економијата продолжи да се опоравува, но очекуваме дека инфлацијата во оваа година ќе биде пониска од претходното проектирање. Поради тоа периодот на ниската стапка на инфлација ќе биде подолг, што го зголемува ризокот од слабеење на довербата во целната инфлација“, се наведува во соопштението на банката, пренесува Франс прес.

Во февруари 2015 година, банката „воведе“ РЕПО каматна стапка во негативна територија, со цел да го поттикне кредитирањето после тригодишниот период на стагнација на цените, и покрај силниот раст на економијата.

Иако сопствената монетарна политика, банката ја базира на целната инфлација од 2,0 одсто, таа очекува дека цените ќе пораснат за само 1,3 одсто во оваа година што е значајно под претходните прогнозирани 1,7 одсто.

Другите економски показатели, меѓутоа, остануваат охрабрувачки, бидејќи Шведска за оваа година проектира раст од 3,5 одсто, кој, како се очекува, ќе помогне за соборување на стапката на невработеност за 0,6 поени, на 6,8 одсто.