Иванов: Моите мисли се со семејствата на загинатите патници
Објавено во: Македонија 13 Февруари, 2019
Шефот на државата, Ѓорге Иванов, по големата трагедија која ја потресе цела земја изрази сочувство.
„Со длабоко жалење и тага ја примив веста за трагичната сообраќајна несреќа на автопатот Скопје – Тетово, што се случи попладнево. Во овие тажни мигови дозволете да изразам најдлабоко сочувство до семејствата на загинатите патници. Моите мисли се со нив. На повредените им посакувам што побрзо закрепнување“- напиша Иванов.
Бугарскиот премиер Бојко Борисов на својот фејсбук изрази длабоко жалење за несреќата која денеска се случи на патот Скопје – Тетово и упати сочувство до семејствата на загинатите патници, и желби за побрзо оздравување на повредените.