Изградбата и обновата на патиштата ќе чини 100 милиони евра

Добивај вести на Viber

Во текот на 2013 година Владата планира да вложи окoлу 100 милиони евра за изградба и реконструкција на патиштата низ целата држава. Како што информираше владиниот портпарол Александар Ѓорѓиев, со Програмата за изградба и реконструкција на локални и регионални патишта во 2013 година се планира изградба и реконструкција на 133 локални патишта со должина од 162 километри во 70 општини низ државата за што се наменети 17 милиони евра,  како и 11 регионални патишта со должина од 160 километри во што ќе бидат вложени 30 милиони евра. „Патиштата ќе се градат и реконструираат низ целата територија на државата, во секоја општина независно од составот на населението, нејзината големина или пак политичката припадност на градоначалникот“, вели Ѓорѓиев. Реализацијата на изградбата на овие патишта ќе се изврши во три дела. Во првиот дел е предвидено да бидат изградени 23 патишта во 22 општини во вкупна должина од 36 километри за што ќе се одвојат 4,7 милини евра. Во вториот дел 30 патишта ќе бидат изградени со вкупна должина од 40 километри кои ќе чинат 5,9 милиони евра. Осумдесет локални патишта во должина од 84 километри ќе бидат изградени во 60 општини во рамки на третиот дел за кој ќе се одвојат 6 милиони евра. Со Програмата е предвидена изградба и на дополнителни патни правци со должина од 70 километри, а се планира и модернизација на патниот правец Велес-Кадрифаково.