Изградбата на гасоводот Скопје-Тетово-Гостивар ќе биде готова во 2020
Објавено во: Македонија 12 Ноември, 2019
Изградбата на гасоводот на делницата Скопје-Тетово-Гостивар, во должина од 76 километри е во полн ек и целосно ќе биде изградена во 2020 година, беше кажано на владината седница која денеска се одржа во Тетово.
„Со овој проект вреден 29 милиони евра ќе го доведеме гасот до граѓаните и компаниите во Гостивар и Тетово со што значително ќе влијае на намалување на трошоците на бизнисот и домаќинствата“, информираа од Владата.
Гасот, субвенциите за клима инверторите, програмата за субвенционирање на филтри за прочистување на штетните емисии на гасови кај малите и средни компании ќе помогнат за почист воздух.