Добивај вести на Viber
Најголемата чешка фабрика за автомобили „Шкода Ауто“ денеска во Млада Болеслав ја претстави третата генерација на својот модел Октавија, а автомобилот сериски ќе почне да се произведува идната година.
Претседателот на претставништвото на Шкода, Винфред Вахланд, смета дека новиот модел има амбиција да биде еден од десетте најпродавани автомобили во светот.
„Октавија е еден од клучните модели на Шкода. Наша цел е третата генерација на овој модел да ја подобриме толку многу за да ги исполни сите барања на нашите клиенти и во тоа успеавме. Новата Октавија е класа сама за себе“, изјави Вахланд.
Моделот Октавија е еден од најпродаваните модели на Шкода. Минатата година беа произведени 402.500 автомобили што е 45 проценти од нејзината вкупна продукција.