ЈАКИМ НЕДЕЛКОВ: Отворените прозорци нема да го спречат ширењето на ковид - Влада премислете се додека не е доцна
Објавено во: Македонија 27 Јануари, 2022
Во време на висок процент на заразени, зима и минусни температури, не сме сигурни дека Владата донесе исправна Одлука за начинот на одржување на наставата во второто полугодие.
Оваа реакција доаѓа од првиот човек на СОМК, Јаким Неделков по донесената одлука на Владата наставата од први февруари да почне со физичко присуство.
„Отворените прозорци во училницата нема да го спречат ширењето на вирусот. Влада, МОН, преиспитајте ја одлуката додека не е доцна!“ додава Неделков.
На 17 јануари годинава Владата одлучи да се одложи почетокот на второто полугодие, кое требаше да стартува на 20 јануари. Утврди и дека учебната 2021/2022 година ќе заврши во редовниот термин, односно на 10 јуни 2022.