ЈАНУШЕВ СО ДЕФИНИТИВЕН СТАВ - нема да имаме потпретседател во Собранието, и тоа не беше предлог на Заев, туку наш
Објавено во: Македонија 27 Август, 2020
Игор Јанушев, генерален секретар на ВМРО-ДПМНЕ потврди за Сител дека оваа партија нема да има потпретседател во Парламентот.
За него тоа се непотребни трошоци кои ги плаќаат граѓаните, а најголем дел од тие потпретседатели нема никогаш да седнат на спикерското столче.
ВМРО-ДПМНЕ, значи, потврди Јанушев, дефинитивно нема да има потпретседател во Собранието.
На новинарско прашање дека збуни тоа што не го прифатија овој предлог на Зоран Заев, Јанушев рече дека тоа не бил предлог на Заев.
„Тоа не беше предлог на Заев, туку беше наш предлог, на ВМРО-ДПМНЕ, кој Заев, како и многу пати досега, од немајкаде, се обидува да го претстави на поинаков начин. И на претпоследната седница кога се дискутираше за ова во собранието, пратеничката група на ВМРО-ДПМНЕ беше против тоа“, рече Јанушев.