Јовица Илиевски од ВМРО-ДПМНЕ победи во Брвеница, општина со мнозинство Албанци
Објавено во: Македонија 01 Ноември, 2021
Општина Брвеница повеќе не е на списокот на општини кои треба да ги водат Албанци. За разлика од 36 гласа, оваа општина во следните четири години ќе ја води македонската партија, ВМРО-ДПМНЕ со Јовица Илиевски.
Денеска во трка беше и независниот албански кандидат Енвер Пајазити. Но, во првиот круг кандидати имаа и другите албански партии, тоа затоа што не успеаја да се договорат за заеднички албански кандидат за оваа општина.
„Кога успехот на општината е приоритет тука нема национална и верска припадност, кога сонот за просперитетна Општина Брвеница е на дофат таа прилика се зграбува. Мојата визија за успех за сите нас, конечно ќе биде реализирана. Ви благодарам на сите, ви благодарам мои пријатели македонци, албанци, срби, турци, роми и останати. Ви благодарам затоа што ја донесовме новата иднината во Општина Брвеница. Ви благодарам затоа што нашиот сон ќе биде јаве за нашите деца!“, напиша Јовица Илиевски на својот профил на Фејсбук.
Влатко Ѓорчев, гласноговорникот на ВМРО-ДПМНЕ, претходно рече дека оваа партија за прв пат ќе има свој градоначалник во оваа општина која е формирана во 1996 и речиси има двојно повеќе етнички Албанци отколку Македонци.