Јужен поток бил блокиран поради Украина
Објавено во: Економија 13 Април, 2015
Шефот на руската компанија „Газпром“ Алексеј Милер најави дека проектот „Јужен поток“ бил срушен поради Украина, а министерот за енергетика Александар Новак соопшти дека договорот со Киев за транзит на гас нема да биде продолжен по 2019 година.
Тоа беше објавено на конференцијата „Европа и Евроазија: на патот кон нов модел на енергетска безбедност“ во Берлин.
„Тоа што не дозволија реализација на „Јужен поток“, имаше една цел - да се задржи статусот на Украина како транзитна земја“, објавил Милер.
„Ако некој мисли дека блокирајќи го „Турски поток“, може да се постигне истото, се прави најдлабоката грешка“, рекол уште шефот на „Газпром“, без да наведе „виновници“.
Милер изјави дека „Газпром“ е подготвен да учествува во изградбата на гасоводи на територијата на ЕУ според правилата на третиот енергетски пакет, кои ќе водат кон идниот гасен центар во Турција.
Новак пак изјави дека речиси сигурно нема да биде продолжен договорот за транзит преку Украина, кој истекува во 2019 година.
Сите напори биле насочени кон изградба на „Турски поток“.