Јужна и Северна Кореја се договорија
Објавено во: Свет 24 Август, 2015
Северна Кореја и Јужна Кореја постигнаа договор за деескалација на тензиите помеѓу нив, соопшти „Си Ен Ен“. Преговорите во граничниот премин Панминчжон биле прекинати малку пред 1 ч наутро по локално време.
Според јужнокорејската агенција „Јонхап“ Сеул ќе ја прекине пропагандата на звучниците во демилитаризираната зона, а Северна Кореја изрази жалење по повод неодамнешните инциденти помеѓу двете држави. Преговорите помеѓу двете Кореи започнаа во петокот и се водеа практично деноноќно во демилитаризираната зона зад затворени врати.
До ескалација на тензиите дојде откако Северна Кореја ја нападна јужнокорејската база во близина на границата, поради звучниците кои емитуваат пропагандна кампања против Пјонгјанг. Сеул од своја страна исто одговори со артилериски напад.
Потоа севернокорејскиот лидер Ким Џонг Ун нареди армијата да биде доведена во целосна борбена готовност.
По 11-годишна пауза Сеул го продолжи емитувањето на пропагандните пораки во одговор на експлозија во демилитаризираната зона, при што беа повредени двајца јужнокорејски војници. Истрагата покажа дека трите експлозии кои избувнале се мини со севернокорејско производство и биле поставени неодамна по маршрутата на јужнокорејските патроли.
Можеби ќе ве интересира
ПОЖАР ВО ТУРЦИЈА: Гори кај Измир, жителите се евакуирани
ЕДНА НЕДЕЛА ОТКАКО АСАНЖ Е СЛОБОДЕН: Викиликс објави тајни документи за тоа што планира Израел за цивилите во Газа
ЗАГРИЖЕН Е ЗА ИДНИНАТА НА МЛАДИТЕ ЕВРЕИ, ТАМУ СЕ ОДАМНА, НО... - главниот рабин разочаран по успехот на екстремната француска десница
„МЕКДОНАЛДС“ ГО СКРАТУВА ВРЕМЕТО ЗА ПОЈАДОК: Птичјиот грип „ги изеде“ јајцата
ЕВЕ КАКО СЕ БУДИ ЕТНА: Иако не ни спиела последниве години
ФРАНЦИЈА ИМА КОНКУРЕНТ: Eвропска земја ќе ја надмине по бројот на туристи
ПРЕДУПРЕДУВАЧКА ПОРАКА ОД ЛЕ ПЕН: Макрон сака да изврши административен удар
НЕМАМЕ КРАЛЕВИ ВО АМЕРИКА: Бајден остро ја критикуваше одлуката на Врховниот суд
