Каде беше најстудено утрово?

Добивај вести на Viber

Освен  Битола и Тетово кои имаа температура од 0 степени, утрово сите други градови се со минусни температури. 

Најстудено беше во Лазарополе -7.9, а температура под -5  е измерена во Берово и Крива Паланка. Во поголем дел од земјата денеска очекуваме релативно ведро време. Разведрувањето ќе биде само малку поспоро во пелагонискиот и дел од југоисточниот крај. Струењето на воздухот ќе премине во јужно во текот на попладнето. Максималната температура ќе биде во пораст во однос на на вчерашната и ќе се движи меѓу 6 и 9 степени. Во југоисточниот дел ќе биде во 10 степени. 

Утре ќе имаме претежно сончево време со појава на локална облачност и повисоки утрински температури кои ќе се движат од -2 до 6 степени, а максималните дневни од 6 до 15 степени. Во петок ќе биде претежно сончево и потопло време со дневни температури кои ќе бидат во пораст и ќе се движат од 8 до 17 степени. Во сабота претпладне ќе биде претежно сончево, а попладне ќе има зголемување на облачноста и ќе преовладува умерено облачно време со максимални температури од 6 до 15 степени. Во недела времето ќе биде умерено облачно време со повремени сончеви периоди, попладне со услови за врнежи од дожд претежно во северозападните, западните и југозападните предели и температури од 5 до 14 степени.