Како Alibaba сврти 18 милијарди за половина ден?
Објавено во: Економија 11 Ноември, 2017
Кинескиот интернет гигант Alibaba според последните статистики остварил промет од неверојатни 18 милијарди долари за само 12 часа. Оваа сума е генерирана од продажбата на Singles Day во Кина, празник кој кинезите го користат за купување на подароци за личностите кои ги сакаат или пак им се доодворуваат.
Онлајн шопингот за кратко време и во Кина стана омилен „спорт“ па со масовниот број на корисници, празник со треска за купување налик Black Friday во САД и висок степен на комерцијалност сосема извесно беше дека Alibaba ќе ги руши сите рекорди за остварен онлајн промет во половина ден.
Додека се пресметуваат и податоците за преостаната половина од денот веќе има прогнози дека тоталниот промет на онлајн продажбите на Alibaba ќе достигнат најмалку 25 милијарди долари што ќе биде нов рекорд.