Како му помага хидротерапијата на вашето тело?
Објавено во: Стил 24 Јули, 2014
Џакузито, бањите, римските бањи како и базените се сите примери за хидротерапија. Повеќето од нас ги имаат барем некои од овие производи во својот дом.
Корист
Хидротерапијата е докажана како високо-ефикасна форма на природна терапија која го стимулира ендорфинот кој пак ви помага во контролирањето на болката и намалувањето на притисокот. Џакузито ослободува милион големи меурчиња кои ја намалуваат тензијата во мускулите и ви помагаат во намалувањето на отокот на зглобовите со што ви се зголемува мобилноста и болката исчезнува. Хидробањата ослободува и мали меурчиња кои имаат смирувачки ефект на вашето тело со што ги намалуваат тензијата и стресот. Кога имате болки или сте под стрес, хемиските промени во вашето тело можат да доведат до зголемување на крвниот притисок и пулскот на срцето. Редовната хидротерапија може да ви помогне во намалувањето на овие симптоми со тоа што ќе го намали отокот во зглобовите и ќе ве ослободи од стресот. Ова ќе ви помогне да се релаксирате со што полесно ќе се соочите со болката.
Вежбите во вода и артритисот
Смирувачката топлина на водата е идеална за намалување на артритичните болки и вкочанетоста и за подобрување на движењето на зглобовите погодени од оваа болест.
Вежбањето во базен со топла вода и топлата бања е еден начин на хидротерапија. Топлата вода ја зголемува температурата на телото со што доаѓа до проширување на крвните садови и подобрување на циркулацијата.
Вежбите во вода се идеален начин за вежбање на зглобовите и мускулите. Водата им дава поддршка на зглобовите и го намалува притисокот врз нив со што го подобрува движењето а, исто така, и дејствува како отпор за вежбање на мускулите. Минералните бањи ја даваат третата компонента на терапијата – масажата. Меурчињата кои се ослободуваат се мешавина од топла вода и воздух ви го масираат телото и ви помагаат да се ослободите од напнатоста во мускулите. Консултирајте се со вашиот лекар за да дознаете дали вежбите во вода се вистинските за вас.