Каква е излезноста по општини?
Објавено во: Македонија 05 Мај, 2019
Во Кочани до 10 часот гласале 2.458, односно 7,48 отсто од гласачите.
Во Општина Виница од запишаните 17.136, до 10 часот гласале 8,26 отсто, во Чешиново-Облешево има 5.472 гласачи, а излезноста е 8,1 отсто.
Во Зрновци на гласачкиот список се запишани 2.549 граѓани, а гласале 9,6 отсто.
До 10 часот излезноста во Општина Струга е 2,63 отсто, а во Преспа и Вевчани повеќе од пет и пол проценти.Во Општина Крива Паланка своето избирачко право го искористиле 14,5 отсто од вкупниот број запишани граѓани во единствениот избирачки список.
Во Ранковце до 10 часот гласале единаесет отсто од вкупниот број гласачи.
Во Куманово до 10 часот на гласање излегле 5577 гласачи или 6,16 отсто, во Липково излезноста е 2,92 отсто или на гласање излегле 741 гласач, а во Старо Нагоричане 5,08 отсто или вкупно гласале 169 гласачи, покажуваат податоците на Државната изборна комисија.
Во Охрид своето право на глас го искористиле неште над пет проценти од избирачите, или поточно на 88-те гласачки места во Општина Охрид гласале 5,65 отсто.
Во општина Дебрца до 10 часот гласале 308 лица или седум проценти од лицата со право на глас.